Һыу буйына барайыҡ...

Ә бит йөҙөү, һыуҙа күнегеүҙәр эшләү, уйындар уйнау - башҡа төр спорт алымдарына ҡарағанда тотош сәләмәтлек өсөн иң һөҙөмтәлеһе: мускулдар, арҡа һөйәге нығына, йөрәк-ҡан тамырҙары өсөн һәйбәт, тынысландыра, ябыҡтыра.

Ниһайәт, йәй башланды, ура! Бындай эҫе көндәрҙә иң яҡшыһы: ҡояштан ҡасып йә өйҙә генә ятырға, йә иртә таңдан һыу буйына йүгерергә!
Бигерәк тә бала саҡта йылға-күлдәрҙән ҡайтышмайһың: ашау ҙа, өйҙәге эштәр ҙә, арыу ҙа онотола, ысын һыу баҡаһына әйләнәһең. Тик шул мәлдә йөҙөү-сумыуҙың организм өсөн ни тиклем файҙалы икәнен уйлап та бирмәйһең, ҡәҙерен белмәйһең. Ә бит йөҙөү, һыуҙа күнегеүҙәр эшләү, уйындар уйнау - башҡа төр спорт алымдарына ҡарағанда тотош сәләмәтлек өсөн иң һөҙөмтәлеһе: мускулдар, арҡа һөйәге нығына, йөрәк-ҡан тамырҙары өсөн һәйбәт, тынысландыра, ябыҡтыра. Диңгеҙ, күл йә йылға һыуы булһынмы – бөтәһе лә берҙәй файҙалы.

Шулай ҙа һыу төшөү ҡағиҙәләрен инҡар итергә лә ярамай. Әйтәйек, тулы ашҡаҙанға, йәғни ашағас та һыуға инергә ярамай: йөрәккә ауырлыҡ төшә. Үҙеңде насар тойғанда, ауырыҡһынып торғанда ла йылғаға барыуҙан тыйылырға кәңәш ителә.

Йәнә беҙ, “һыу төшөү тыйыла” тигән яҙыуҙы һанға һуҡмаҫҡа маташабыҙ, нимә булыр тиһең, тәрәнгә бармам, оҙаҡ йөрөмәм, тип уйлайбыҙ. Яҙыу эленгән икән, тимәк, юҡҡа түгел, сәбәбе бар. Мәҫәлән, ул урында йөҙөп йөрөү ҡурҡынысы менән бер рәттән, инфекциялы сирҙәр эләктереү мөмкинлеге лә ҙур булырға мөмкин. Ошондай уҡ сәбәптән ҡош-ҡорт йөҙгән, аҡмай ятҡан күл-быуаларҙы ла ял урыны итеп һайламау яҡшы.

Һыуға инер алдынан йылғаның төбөн ҡараштырып сығыу мөмһим: эре, осло таштар, быяла ярсыҡтары ятмаһын, ботаҡтар һерәйеп тормаһын. Таныш түгел урында шунда уҡ башығыҙ менән суммағыҙ.

Һыуға инер алдынан, бигерәк тә эҫе ҡояш аҫтында оҙағыраҡ йөрөп ташлаған булһағыҙ, тәүҙә тәнегеҙҙе әҙерләп алығыҙ: эсегеҙҙе, арҡағыҙҙы, башығыҙҙы һыулағыҙ. Был бигерәк тә ҡан баҫымы, йөрәк ауырыуҙары, бронхиаль астма менән сирләгәндәргә ҡағыла.

Һыуҙан сыҡҡас, мотлаҡ тәнде ҡоротҡансы һөртөргә кәрәк. Купальникты алыштырып алыу тағы ла яҡшыраҡ. Ни өсөн тигәндә, һыулы тән ҡояш нурҙарын үҙенә тарта, тәнде яндырырға йә эҫе һуғырға мөмкин. Ә дымлы кейемдә йөрөп, ҡояш ни тиклем ҡыҙҙырһа ла, һыуыҡ алдырырға мөмкин, бигерәк тә ел көндө.

Эскән килеш һыуға инмәү, көҙән йыйыра башлаһа, шулай уҡ һыуҙан сығыу (һаҡланыр өсөн купальнигыңа булавка эләктереп йөрөү ҙә кәңәш ителә, әҙ генә көҙән йыйырыуын һиҙҙеңме, булавка менән шул урынға сәнсергә кәрәк), бәләкәй балағыҙҙын күҙ яҙлыҡтырмау – быларҙың барыһын да хәтерҙә тотоу мөһим.

Һаҡланыу ҡағиҙәләрен хәтерегеҙҙән сығармағыҙ, әммә өйҙә лә ултырмағыҙ, рәхәтләнеп һыу инегеҙ, ял итегеҙ, сәләмәтлегегеҙҙе нығытыҙ!

Читайте нас:

Баш мөхәррир: Айгиз Ғиззәт улы Баймөхәмәтов

Телефон

(347)272-61-64

Электрон почта

[email protected]

Адресы

450079, Республика Башкортостан, г. Уфа, ул. 50 летия Октября, 13, каб. 910

Ҡабул итеү бүлмәһе

Венер Айҙар улы Исхаҡов (яуаплы сәркәтип) - 89279443170

Хеҙмәттәшлек

Финзира Ғариф ҡыҙы Рысаева - 89174785622