Сентябрь нисек булыр?

Көҙҙөң тәүге айына ла аяҡ баҫтыҡ. Йәй миҙгелендәге кеүек йылы көндәре менән башланды ул. Синоптиктар Башҡортостанда сентябрь йылы буласаҡ тип белдерә һәм һауа торошо ғәҙәттәгенән 1,5 градусҡа йылыраҡ булыуы көтөлә. Төбәктә уртаса айлыҡ температура нормаһы +10,7 градус тәшкил итә.

Оҙайлы ямғырҙар вәғәҙә итмәйҙәр. Яуым-төшөмдөң нормаға яҡын, урыны менән норманан аҙыраҡ булыуы күҙаллана. Көс һалып үҫтергән уңышты йыйып алыу өсөн был ай бик уңайлы булмаҡсы.