+12 °С
Ямғыр
Бөтә яңылыҡтар
Йәшәйеш
29 Ғинуар 2021, 18:11
Бер әсә көндәлегенән
Гүзәл дүртенсе класта уҡый. Класташы Света менән бик татыуҙар. Ольга тигән әхирәте лә бар. Бер көндә ата-әсәләр йыйылышында уҡытыусы беҙгә ошоларҙы һөйләне: "Математиканан программа ҡатмарлы. Шуға күрә һеҙҙең балаларығыҙ өйгә эшен эшләгәндә ярҙам итеүегеҙ кәрәк. Юғиһә, бөгөнгө дәрестәге кеүек, көлкө ҡатыш ҡыҙғаныс хәл булыуы ихтимал.
Олянан өйгә эште һораһам:
— Мин эшләй алманым, сөнки Света миңә әйтмәне, - ти.
"Ярар, тип уйлайым. - Светанан һорайым әле". Светанан
һораһам, ул:
— Мин дә эшләй алманым, сөнки Гүзәлдең атаһы командировкала! - ти шартлатып.
- Гүзәлдең атаһының командировкала булыуы менән мәсьәлә сисеү араһында ниндәй уртаҡлыҡ бар? - тип аптырап һорайым.
- Бар шул! - ти теремек Света. - Беҙ математиканан башҡа бөтә дәрестәрҙе алдан эшләйбеҙ ҙә Гүзәлдең атаһы эштән ҡайтҡанын көтәбеҙ. Ул ҡайта ла башта уға төшөндөрә. Шунан мин телефон аша Гүзәлдән һорайым, ә Оля - минән. Ә командировкаға китерен кисә әйтмәгән…
Шәүлиә ЗӨЛҠӘРНӘЕВА.
Учалы ҡалаһы.
Читайте нас:
© 2024 «Шоңҡар» - Башҡортостан йәштәренәң ижтимағи-сәйәси, әҙәби-нәфис журналы
Баш мөхәррир: Айгиз Ғиззәт улы Баймөхәмәтов
Телефон
(347)272-61-64
Электрон почта
Адресы
450079, Республика Башкортостан, г. Уфа, ул. 50 летия Октября, 13, каб. 910
Ҡабул итеү бүлмәһе
Венер Айҙар улы Исхаҡов (яуаплы сәркәтип) - 89279443170
Хеҙмәттәшлек
Финзира Ғариф ҡыҙы Рысаева - 89174785622