Бөтә яңылыҡтар
Йәшәйеш
9 Май , 20:50

Кем ул Илгизә Алсынова?

Интернет киңлектәрендә осраҡлы рәүештә генә Илгизә һәм Фәрит Алсыновтарҙың "Бул янымда" тигән йырына тап булдым. Күңелгә шунда уҡ үтеп инде был ят һәм танһыҡ, үҙенсәлекле моң. Ҡабат-ҡабат тыңланым. Ахырҙа был йәштәр хаҡында ҡыҙыҡһына башланым. Ни эшләп шундай матур тауышлы йырсы халыҡ араһында ныҡ билдәле түгел икән, тип ғәжәпләндем. Ә һеҙгә оҡшанымы? 

Кем ул Илгизә Алсынова?
Кем ул Илгизә Алсынова?

Баҡтиһәң, Илгизә данлыҡлы Туйсиндар затынан икән. Яратҡан йырсыбыҙ Флүрә Туйсинаның ҡыҙы йәки Фирүзә Париждың бер туған һеңлеһе була.

Илгизәгә 34 йәш. Тәүҙә Учалы сәнғәт училищеһының баян бүлеген, артабан Сибайҙа музыка факультетын тамамлаған. Балалар баҡсаһында музыка етәксеһе булып эшләй. «Шул эш тип янам,  сценарийҙар  яҙам, йырҙар эҙләйем”, - ти ул. Интернетта айырым төркөмө лә бар. "Балаларға башҡорт йырҙары" тип атала. "Йыр иң беренсе кешенең күңеленә үтеп инергә тейеш.Ул утһен өсөн бөгөнгө көндөң талабына яуап бирергә тейештер,ә талапҡа яуап бирһен өсөн йөрәктән сығыу мөһим" , - тигән фекерҙә ул. 

Автор:Венер Исхаков
Читайте нас в