Ҡыҙыл ҡаялағы матурлыҡ

Ҡыҙыл ҡая ( Красные скалы)  Нуриман районы Павловка ауылында урынлашҡан. Тәбиғәттең ғәжәп матур төбәге ул, шуға ла был урындан туристар өҙөлмәй. 

Тауға менеү ҡыйынлыҡ тыуҙырмай. Быйыл туристар аҙашмаһын өсөн күрһәтмәләр ҡуйылған. Шулай уҡ машина менән дә ҡаяға еткәнсе барырға мөмкин.

Бында туристар Өфө йылғаһын һәм яҡын-тирәләге тауҙарҙы ҡарарға килә. Ҡаяға менеп етһәң, тирә-яҡта һоҡланып туйғыһыҙ матурлыҡ пәйҙә була.