Мин “Шоңҡар”ға яҙылдым? Ә һеҙ?

Билдәле булыуынса, 6 июндән 16-һына тиклем “Шоңҡар” журналына ташламалы хаҡҡа яҙылырға мөмкин. Йәнә яҙылыусылар араһында иҫтәлекле бүләктәр уйнатылыуын да иҫегеҙгә төшөрәбеҙ.

Шуныһы ҡыуаныслы, журналыбыҙҙы даими алдырып уҡыусылар был юлы ла әүҙемлек күрһәтә. Мәҫәлән, ошо көндәрҙә Благовещен районынан Гүзәл Иштәкбаева, Өфөнән Зәлифә Кәримова, Ғафуриҙан Фәниә Фәйзуллина һәм башҡалар журналға яҙылыуын раҫлаған квитанция ебәргән. “Тыуған яғымдан ситтә йәшәйем. Шуға ла “Шоңҡар” журналы минең айырылғыһыҙ дуҫыма әүерелде. Журнал йөкмәткеле сыға, фәһемле мәҡәләләр, мауығып уҡырлыҡ әҙәби әҫәрҙәр баҫыла. Мин уҡып бөткәс, дуҫым “аяҡланып” күршеләргә сығып китә”, – тип яҙған Гүзәл.